पञ्चासे
तुलसी राम सुवेदी
१५ मंसिर, कास्की
आज मार्गशीर्षकृष्ण चतुर्दशी अर्थात बालाचतुर्दशी पर्वका अवसरमा आज बिहान देखि नै कास्कीका पञ्चासे, भलाम, घार्मी, आर्वाबिजय , रामघाट, केदारेश्वर , गुप्तेश्वर लगायत शिवालय मन्दिरमा शतबीज छर्नेको घुइँचो लागेको छ ।
यसैगरी काठमाडौँको पशुपतिनाथ मन्दिर, वाग्मती, भष्मेश्वर महादेव, आर्यघाट, रुद्रगाडेश्वर, भागलभुगल महादेव, किरातेश्वर, गौरीघाट, गुह्येश्वरी, नमोबुद्ध, बहिरो गणेश, विश्वरुप, मृगस्थली हुँदै भागलभुगल महादेव नजिकै पुगेर शतबीज छर्ने काम समापन गरिने छ ।
यसैगरी कास्की, स्याङ्जा र पर्वतको संगमस्थल पर्यटकीय स्थान साथै धार्मिक, जैविक विविधता, साँस्कृतिक र प्राकृतिक दृष्टिले महत्वपूर्ण स्थानका रुपमा परिचित स्थान पञ्चासे मा मेला सहित कास्की लगायत वरपरका जिल्लाबाट आएका हजारौं भक्तजनहरुको उपस्थिती ले सद्वीज छर्ने श्रद्धालु भक्तजनहरुको घुईचो हुने गर्दछ ।
रातभर बत्ती बालेर बसेका भक्तजनले मार्गशीर्ष कृष्ण चतुर्दशीका दिन बिहान भने दिवंगत पितृको सद्गतिको कामना गर्दै शतबीज छर्दछन् ।
समुन्दी सतहबाट २ हजार ५ सय १७ मिटर उचाईमा रहेको यस स्थानमा पुग्नका लागि पोखराबाट भञ्ज्याङ्सम्म गाडीको यात्रापछि करिव डेढ घण्टामा पञ्चासेडाँडाँमा पुग्न सकिन्छ । ७५२५ हेक्टर क्षेत्रफल जंगल र कास्की, स्याङ्जा र पर्वत गरी तीन जिल्लाको संगम बनेर रहेको पञ्चासे पहाडी शितलता, पर्यावरणीय सौन्दर्यात्मक परिदृश्य र मनमोहक हिमालहरुको सुन्दर दृश्यावलोकन यहाँका मूल बिशेषता नै हुन् ।
पर्वतको चित्रे बाट पनि यो स्थानमा आउनका लागि सजिलो पैदल मार्ग रहेको छ । पछिल्लो समयमा पञ्चासे क्षेत्रको मनोरम दृष्य अवलोकनका लागि आन्तरिक तथा बाह्रय पर्यटकहरुको आगमन समेत बढ्दै गएको छ ।
यस ठाउँबाट मनोरम पहाडी दृश्यावलोकन, हिमश्रृंखलाहरुको अवलोकन , थरी थरीका लाली गुरांस , सुनाखरी फुल,बिभिन्न जडीबटीहरुको अवलोकनका साथै स्थानीय संस्कृतिमा रम्न मन पराउने पर्यटकहरु बढिमात्रामा पुग्ने गरेको पाईन्छ । नेपालमा सबैभन्दा बढी प्रजातीका सुनाखरी पाईने स्थानका रुपमा यो स्थान प्रख्यात रहेको छ ।
यो स्थानमा आन्तरिक तथा बाह्य पर्यटक आउनका लागि पोखरा बाट नजिक रहेकोले पनि पर्यटकको गन्तब्य बनाउनु पर्ने कुरा आगन्तुकहरु बताउछन ।
यहाँ सिद्धबराह मन्दिर, ताल लगायतका परम्परागत धार्मिक स्थलहरु छन् । जंगलकोबीचमा रहेको पञ्चासे तालमा कुनै पनि पतझर देख्न पाइदैन । तालमा पात खसेमा चराचुरुङ्गीहरुले फाल्छन भन्ने जनविश्वास रहेको छ ।
पंचासे क्षेत्रको उच्च स्थानमा परम्परादेखि नै सिद्धबाबाको पुजा गर्ने चलन रहेको छ ।
प्राकृतीक सम्पदाले भरपुर्ण यो ठाउमा परापुवकालमा ऋषिमुनीहरुले आएर तपस्या गरेका कुटीहरुका भग्नावशेषहरु समेत रहेको देख्न सकिन्छ भने कहिल्यै पानी नसुक्ने कुवा , कहिल्यै फोहोर नहुने पोखरी यहांका बिशेषता हुन ।
अहिले यस क्षेत्रमा हेलीकेप्टर अवतरणका लागि हेलिप्याडको समेत निमार्ण गरिएको छ । यस स्थानको ताल देखि सिद्धबराह मन्दिर सम्मको पैदल मार्गको दुवै भागमा आफना पिर्तीहरुको मृतआत्माको शान्तिको लागि हिन्दुधर्मालम्वीहरुले सत्बिजका रुपमा अन्न छर्ने प्रचलन रहेको पाईन्छ । साथै यहा आएर सदबिज छरी सिद्धबाबाको दर्शन गर्नाले आफनो मनोकांछा पुराहुने जन विश्वास रहेको पाईन्छ ।
धार्मिक, साँस्कृतिक, जैविक विविधता, र प्राकृतिक तथा पर्यटकीय दृष्टिकोवाट पनि महत्वपूर्ण ठाउ रहेको हुंदा यो ठाउमा आउन आगन्तुकहरुको संख्या बढीरहेकोछ
