श्रावण ११ पोखरा
गण्डकी प्रदेशका मुख्यमन्त्री सुरेन्द्रराज पाण्डे स्वास्थ्य उपचारका लागि भारत जाने भएपछि सामाजिक विकास तथा स्वास्थ्य मन्त्री विन्दुकुमार थापालाई कार्यबाहक मुख्यमन्त्रीको जिम्मेवारी दिइएको छ ।
थापाले सामाजिक विकास तथा स्वास्थ्य मन्त्रालयको जिम्मेवारी सम्हाल्दै आएका थिए । थापा गण्डकीको मन्त्रिपरिषद्मा दोस्रो बरियतामा छन् ।
घुँडाको उपचारका लागि भारत जान लागेका मुख्यमन्त्री पाण्डे १८ गते स्वदेश फर्किने भएका छन् । उनी शनिबार भारत प्रस्थान गर्दैछन ।
