तुलसी राम सुवेदी ,श्रावण १३ पोखरा
राइड एण्ड सेयरिङलाई वैधानिकता दिने गण्डकी प्रदेश सरकारको कदमविरुद्ध आन्दोलमा होमिएका सार्वजनिक यातायात यवसायीले पोखरामा दुई पत्रकारमाथि आक्रमण गरेका छन् ।
व्यवसायीको आन्दोलनको समाचार संकलनका लागि भिडियो खिचिरहेका पत्रकारद्वय सुरज थापा र विना थापामाथि पोखराको पृथ्वीचोकमा आक्रमण भएको हो । अन्दोलनकारीले ग२०प ३९७३ को स्कुटरसमेत तोडफोड गरेका छन् ।
पत्रकार सुरज थापाले पृथ्वीचोकमा व्यवसायी बीच नै झगडा भएको र सो क्रममा आफूहरुले भिडियो खिच्न लाग्दा आक्रमण गर्दै क्यामेरा समेत खोसेको बताए ।
पत्रकार माथि भएको आक्रमणको पत्रकार सम्बद्ध संघसंगठनहरुले भर्सना गरेका छन ।
यता यातायात व्यवसायीले आफूहरुको आन्दोलनमा घुसपैठ भएको जनाएका छन् । पत्रकारलगायत कसैमाथि पनि आक्रमण गर्ने आफूहरुको उद्देश्य नरहेको व्यवसायीले स्पष्ट पारेका छन् ।
यातायात व्यवसायीका आन्दोलनका कारण आज बिहानै देखि पोखरा सहित गण्डकी प्रदेश भर यातायात सेवा ठप्प भएको छ ।
आफूहरुका सात बुँदे माग पूरा नभएसम्म आन्दोलन नरोकिने उनीहरुको चेतावनी छ ।
सो घटना पश्चात पृथ्वीचोक आसपासमा सुरक्षा कडा परिएको छ ।
