लेखनाथ, २१ असार
राष्ट्रिय स्वतन्त्र पार्टी (रास्वपा) का उपसभापति एवं अर्थविद डा. स्वर्णिम वाग्लेले काँग्रेस एमालेको सहमती लोकतान्त्रिक मुल्य मान्यता बमोजिम नभएको वताएका छन ।
बिहिबार लेखनाथमा आयोजित लेखनाथ उद्योग वाणिज्य संघको २८ औं वार्णिक साधारण सभाको अवसरमा आयोजित “वर्तमान आर्थिक अवस्थामा व्यवसायिक चुनौती र सम्भावना” विषयक उत्प्रेरणात्मक कार्यक्रममा बोल्दै संसदको पहिलो र दोश्रो दल मिलेर सरकार बनाउने प्रचलन नभएको वताउँदै यो लोकतान्त्रिक मुल्य मान्यता बमोजिम नभएको वताएका थिए ।
उनले संविधान संशोधन गर्ने कुरा त्यति सजिलो नभएको वताउँदै १÷२ जनालाई जोगाउनकै लागी अहिलेको समिकरण बनेको भए त्यस्तो सरकार २÷३ महिनामै ढल्ने दावी गरे । उनले आर्थिक र राजनीतीक शुसासन कायम नभएका कारण अर्थतन्त्रमा उल्लेख्य सुधार हुन नसकेको वताए । देशको समग्र अर्थतन्त्र बाहिर आएको हल्लाजस्तो दयनीय नभएको वताउँदै सुक्ष्म अर्थतन्त्रतर्फ भने थुप्रै सुधारका कुराहरु गर्नुपर्ने वताएका थिए ।
कार्यक्रममा नेपाल उद्योग बाणिज्य महासंघका पुर्व अध्यक्ष आनन्दराज मुल्मीले राजनिती, अर्थनिती र कुटनिती पिडादायक अवस्थामा रहेको वताउँदै अहिलेको राजनितिक प्रयोग अन्तिम विकल्प भएको वताउँदै यदि यो असफल भएको खण्डमा मुलुक कता पुग्छ ? भनी प्रश्नसमेत गरे ।
यस्तै रुपा गाउँपालिकाका अध्यक्ष नवराज ओझाले विदेश जानेलाई स्वदेशमा नै कसरी रोक्न सकिन्छ भन्ने बारेमा सरकारी तर्पmबाट ब्यवसायिक मैत्री निती निर्माण गरेपनि कार्यन्वयनको चरण फितलो भएको वताएका थिए ।
यसैगरि पोखरा उद्योग बाणिज्य संघका अध्यक्ष पवन कुमार प्रजापतिले ब्यवसायिले राज्यलाई कर तिर्ने, रोजगारी सिर्जना गर्ने तर सरकारको तर्फबाट व्यवसायीमैत्री निती आउन नसकेको र व्यवसायीबाट अंकुश लगाएर रकम तान्ने काम मात्र गरेको वताएका थिए ।
लेखनाथ उद्योग बाणिज्य संघका सस्थापक अध्यक्ष चन्द्रकृष्ण कर्माचार्यले वि स २०५४ सालमा स्थापना भएको संघले यस क्षेत्रका सवै खालका ब्यवसायीहरुलाई संगठित गर्दै यस क्षेत्रको विकासका लागि सरकारी निकायमा लभिङ गर्दै आएको बताएका थिए ।
लेखनाथ उद्योग बाणिज्य संघका अध्यक्ष विनोद श्रेष्ठको अध्यक्षतामा भएको कार्यक्रममा महासचिव जानुका अधिकारीले कार्यक्रम संचालन र वरिष्ठ उपाध्यक्ष राजेन्द्र ओझाले धन्यवाद ज्ञापन गरेका थिए ।
