मंसिर २५ गते पोखरा
पोखराको पृथ्वीनारायण क्याम्पस अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) जिल्ला कमिटी कास्कीको आयोजनामा हुने विद्यार्थी महोत्सवको तयारी पूरा भएको छ । पृथ्वीनारायण क्याम्पस पोखरामा यहि मंसिर २६ र २७ गते हुने महोत्सवको तयारी पूरा भएको मंगलबार आयोजित पत्रकार सम्मेनल मार्फत् जानकारी दिइएको हो ।
अनेरास्ववियु कास्कीका अध्यक्ष सन्तोष पोख्रेलले विद्यार्थीहरुलाई एकताको सूत्रमा बाँध्ने उद्देश्यसहित महोत्सवको आयोजना गरिएको जनाए । पृथ्वीनारायण क्याम्पस प्राड.गणमा २ दिन चल्ने महोत्सवमा विविध सांगीतिक कार्यक्रम सहित शैक्षिककार्यक्रम समावेश गरिने अध्यक्ष पोख्रेलले जनाए ।
महोत्सवको पहिलो दिन उद्घाटनसमारोहसँगै अनुसन्धान र विकासमा विश्व विद्यालय विषयमा अन्तरसंवादको आयोजना सहित चित्रकला प्रतियोगिता, नृत्य प्रतियोगिता, कविता प्रतियोगिता र लाइभ कन्सर्ट रहने जनाईएको छ भने दोस्रो दिन पर्यटन र पोखरा विषयक अन्तरसंवाद हुने जनाईएको छ । लाइभ कन्सर्टतर्फ डिमर्चा ब्याण्ड, देउराली ब्याण्डको प्रस्तुति रहने जनाईएको छ भने, रचना रिमाल र टुकीको पनि प्रस्तुति रहनेछ । महोत्सव पृथ्वीनारायण क्याम्पसको साइन्स बिल्डिङ परिसरमा आयोजना हुने अनेरास्ववियु कास्कीले जनाएको छ ।
