भाद्र ७ पोखरा
पोखरा । मुस्ताङमा आज दिउँसो हिमपहिरो गएको छ । मुस्ताङको थासाङ गाउँपालिका वडा नं २ को कोबाङमा हिमपहिरो जाँदा बोक्सीखोला थुनिएको बताइएको छ ।
खोला थुनिएपछि जिल्ला प्रशासन कार्यालय मुस्ताङले सचेत रहन अनुरोध गरेको सहायक प्रमुख जिल्ला अधिकारी एवं सूचना अधिकारी रामप्रसाद सुवेदीले जानकारी दिए ।
पहिरोस्थल जोमसोमबाट करिब १७ किलोमिटर पर रहेको उनले बताए । सोही स्थानमा ३ वर्ष अघि कात्तिक महिनामा हिमपहिरो गएको थियो ।
