स्याङजा २९ कार्तिक
फोटोग्राफर संघ गण्डकीको आयोजनामा कार्तिक २८ र २९ गते अन्तरक्रिया सहित पुर्ण बैठक स्याङजामा सम्पन्न भएको छ । फोटोग्राफर मञ्च स्याङजाको स्थानिय ब्यवस्थापनमा सन्चालित पुर्ण बैठक, बधाई तथा अन्तरक्रिया सहितको कार्यक्रम सफलतापूर्वक सम्पन्न भएको हो । गण्डकी प्रदेशका ११ जिल्लाका व्यावसायिक फोटोग्राफरहरूको उत्साहजनक सहभागितामा कार्यक्रम सम्पन्न भएको छ ।
अन्तरक्रिया कार्यक्रममा फोटोग्राफी तथा भिडियो ग्राफी क्षेत्रमा देखिएका अवसर तथा चुनौतीका बिषय साथै पेशागत दायित्वबारे विस्तृत रूपमा छलफल गरिएको थियो। बदलिँदो प्रविधि, बजार प्रतिस्पर्धा, पेशागत मानक र गुणस्तर कायम राख्ने विषयहरूमा सहभागी बीच गहन विचार–विमर्श गरिएकोले कार्यक्रम पेशागत विकासको दृष्टिले महत्वपूर्ण मानियो ।
कार्यक्रममा स्याङजा फोटोग्राफर मञ्चका नबनिर्वाचित कार्यसमितिलाई बधाई तथा शुभकामना सहित माया–चिनोले सम्मान गरिएको थियो । साथै नयाँ नेतृत्वबाट स्थानीय तथा प्रदेशस्तरमा फोटोग्राफी पेशाको समृद्धि, एकता र व्यावसायिक क्षमता अभिवृद्धिमा टेवा पु¥याउने अपेक्षा गरिएको छ ।
गण्डकी प्रदेशभरि क्रियाशील फोटोग्राफरहरूलाई एउटै मञ्चमा ल्याइ विचार, अनुभव र चुनौती साझा गराउने यो कार्यक्रम आगामी दिनमा अझ सशक्त र प्रभावकारी बन्ने विश्वास राखिएको छ ।
कार्यक्रममा बाग्लुङ फोटोग्राफर संघका अध्यक्ष नारायण प्रसाद गौतम, पर्वत फोटोग्राफर संघका अध्यक्ष बिजय शर्मा जैसी, पोखरा फोटोग्राफर संघका अध्यक्ष भक्त बहादुर तमाङ, फोटोग्राफर मञ्च स्याङजाका अध्यक्ष हिमाल न्यौपाने , तालिम तथा शिक्षा उपसमितीका संयोजक घनश्याम पौडेल, प्रतियोगिता संयोजक जीवन ढुंगाना,निर्वतमान अध्यक्ष दुर्गा प्रसाद पौडेल लगायतले शुभकामना मन्तब्य राख्नु भएको थियो ।
फोटोग्राफर संघ गण्डकीका अध्यक्ष नारायण बहादुर केसीको सभापतीत्वमा संचालन भएको कार्यक्रममा संस्थाका बरिष्ठ उपाध्यक्ष तुलसीराम सुवेदीले स्वागत सहित कार्यक्रमका बारेमा बताउनु भएकोे थियो ।
कार्यक्रम संघका महासचिव प्रेम प्रसाद पराजुुलीले संचालन गर्नुभएको थियो भने कार्यक्रम स्याङजाको फेदिखोला गाउपालीका १ अयरेपानी होमस्टेमा आयोजना गरिएको थियो ।
